Акција “Ден на дрвото 2009“

На ден 13.11.2009 година на локалитетот „Калимерово“ се изведе акцијата “Ден на дрвото 2009“

одбележан патронот на училиштето

На ден 28.10.2009 (Среда) со спортски и културни активности се одбележа патронот на СОУ„Димитар Мирасчиев“ Штип.Училиштето годинава слави јубилеј 65 години од постоењето
Искрени честитки!

"МАТУРСКА 2009"

Почитувани матуранти!
Ден-два по матурската вечер,верувам дека ги средивте впечатоците.Што понатаму?
Во периодот што следува Ви посакувам успех на испитите од државната матура и завршниот испит и заокружување на четиригодишното образобвание.
Со дел од фотографиите и клиповите што следуваат сакам да Ви ја пренесам атмосверата од матурската вечер,што сами ја создадовте.
Бевте cool
Овие и останатите фотографии и клипови ке ги добиете подоцна
Овде кликни.

ДРЖАВНА МАТУРА / ЗАВРШЕН ИСПИТ (2008/09)

За ученици со завршено четиригодишно стручно образование
СТРУКТУРА
Државната матура во средните стручни училишта се состои од:
екстерен дел

• задолжителен (Македонски јазик и литература)
• изборен наставен предмет (странски јазик или математика

интетрен дел

• два наставни предмета (еден општообразовен и еден стручен предмет) избрани од понудените листи
• проектна задача

Завршниот испит во средните стручни училишта со четиригодишно траење се состои од:

• еден задолжителен наставен предмет (Македонски јазик и литература)
• еден изборен наставен предмет избран од листата на стручни настани предмети карактеристични за образовниот профил
• проектна задача

ИСПИТНИ РОКОВИ и ПРИЈАВУВАЊЕ
Државна матура / завршен испит се полага во два испитни рока:јунски и августовски испитен рок.Кандидатот кој за прв пат полага државна матура /завршен испит,ја полага во целина во истиот испитен рок.

Доколку од оправдани причини ученикот бил спречен да полага во јунскиот,тоа може да го реализира во августовскиот испитен рок.Во овој испитен рок може да полагат и оние кандидати кои во јунскиот испитен рок не положиле дел или сите испити од државната матура.

Во августовскиот испитен рок не може да се пријави ученик кој не бил пријавен во јунскиот испитен рок.За полагање на државна матура во август кандидатот се пријавува со поднесување на пријава во рок од два дена по објавувањето на конечните резултати од јунскиот испитен рок.

Секој ученик кој се определил за полагање државна матура треба да пополни и достави пријава во училиштето каде што е запишан од 01 до 31 декември 2008 година.

Секој ученик кој се определил за полагање завршен испит треба да достави пријава во училиштето каде што е запишан најдоцна 60 дена пред почетокот на јунскиот и најдоцна 30 дена пред почетокот на августовскиот испитен рок.

ТЕРМИНИ ЗА ПОЛАГАЊЕ во учебната 2008/09 година
Државната матура се спроведува во слeдните термини:

Екстерни испити
- Македонски јазик и литература на 11 јуни 2009 година со почеток во 09:00 часот (13 август 2009 година со почеток во 09:00 часот)
- Странски јазик,Математика на 13 јуни 2009 година со почеток во 09:00 часот (15 август 2009 година со почеток во 09:оо часот)

Интерни испити
-(изборни предмети) се спроведува во јунскиот испитен рок од 15 до 26 јуни 2009 година / во августовскиот ипитен рок од 17 до 27 август 2009 година
- Презентацијата и одбраната на проектна задача се реализира во периодот од 01 април до 08 мај 2009 година /од 17 до 27 август 2009 година.

Завршниот испит се спроведува во следните термини
- македонски јазик и литература на 15 јуни со почеток во 09:00 (на 17 август со почеток во 09:00 часот)
- изборните предмети во периосот од 17 до 26 јуни (од 19 до 27 август )

Поконкретни информации за расоредот на полагање на интерните испити погледнете на огласната табла во училиштето

ТЕХНОЛОГИЈА НА ТЕКСТИЛ и КОЖА

Предметот Технологија на текстил и кожа според наставниот план се изучува во прва година со 5 часа неделен фонд во сите образовни профили од текстилно-кожарската струка.
Наставнaта програма ги опфака следните наставни содржини

• Процеси на предење
• Процеси на ткаење
• Процеси на плетење
• Процеси на изработка на неткаени текстилни материјали
• Процеси на доработка
• Процеси на конфекционирање
• Процеси на преработка на кожа и крзно
• Процеси на ирзботка на обувки

ТЕХНОЛОГИЈА НА КОНФЕКЦИОНИРАЊЕ

Предметот Технологија на конфекционирање според наставниот план за образовниот профил конфекциски техничар од текстилно-кожарската струка се изучува во втора,трета и четврта година со 2.4 и 3 часа неделен фонд како задолжителен предмет и како изборен во трета и четврта година со 2 часа неделен фонд.
Наставната програма за втора година ги опфака следните наставни содржини:

• Подготовка за производство на облека (конструкциска )
• Технолошки процес на кроење (постилање,кроење и фиксирање на меѓупоставата)
• Технолошки процес на шиење(обична шивачка машина,видови бодови,шевови и конци за шиење)

Наставната програма за трета година,како задолжителен предмет ги опфака следните наставни содржини:

• Оперативна подготовка во индустријата за облека
• Специјални машини за шиење
• Шивачки автомати и агрегати
• Пегли и преси за меѓфазно пеглање
• Технолошка подготовка во индустријата за облека

Факултативна настава

Според наставниот план за образовниот профил текстилен техничар (ТТ) од текстилно-кожарската,во четврта година е застапена факултативна настава.
Во учебната 2008/09 година според наставната програма,факултативната настава опфака одбрани поглавија од следните наставни предмети.

• Технологија на предење (предење на чешлано памучно предено)
• Технологоија на плетење (плетење на кружноплетачки машини)
• Технологија на доработка (белење и боење на метражна плетенина)

Учениците изработуваат семинарска на тема
„Плетење на кружно плетачки машини“

• Плетење на jersey (десно-лева) плетенина на едноредни кружно плетачки машини
• Плетење на plush (плиш) плетенина на едноредни кружно плетачки машини
• Плетење на futter(подставна) плетенина на едноредни кружно плетачки машини
• Плетње на fine rib(десно-десна) плетенина на дворедни кружно плетачки машини
• Плетње на interlok плетенина на дворедни кружно плетачки машини
• Плетње на piqe(пике) плетенина на дворедни кружно плетачки машини